Avtorlarǵa

Jurnalǵa maqalalar qaraqalpaq, ózbek, rus hám inglis tillerinde tómendegi baǵdarlar boyınsha qabıl etiledi:

 Teatr hám muzıka

 Kino hám dramaturgiya 

Bibliografiya hám mádeniyat

Jámiyetlik-gumanitar pánler

                                                                                        

MAQALALARDÍ QABÍL ETIW TALAPLARÍ:

- maqalanıń joqarǵı oń tárepine universal klassifikaciya boyınsha (UDK) indeks qoyılıwı shártli túrde;

- maqalanıń (shólkemler, mákemeler, mektepler, kolledjler yaki joqarı oqıw orınları) májilislerinde kórip shıqqanlıǵı haqqında bayanlamasınan kóshirme, taraw boyınsha jetekshi  qánigeniń pikiri hám de ekspert juwmaǵı bolıwı tiyis;

- maqala Microsoft Word, shrifti «Times New Roman» da, keminde 5 bet kóleminde 14 shriftte, qatar aralıqları 1,5 intervalda, shep tárepinen 3 santimetr, oń tárepinen 1,5 santimetr, joqarı hám tómengi tárepinen 2 santimetrden ibarat bolǵan ólshemde aralıq qaldırıladı;

- avtordıń tolıq atı hám familiyası, jumıs ornı hám lawazımı, telefon nomeri hám elektron pochtası tolıq kórsetiledi;

- maqalaǵa siltemeler [Yusupov:15] usı formada beriliwi tiyis;

- maqalanıń úsh tilde jazılǵan rezyume hám tayanısh sózleri (ózbek, rus hám inglis tillerinde) bolıwı tiyis;

- maqala aqırında paydalanılǵan ádebiyatlar dizimi keltiriliwi shártli túrde;

- maqalanıń mákeme atınan jollanba xatları menen qabıl etiledi;

-maqalalardıń mazmunına hám kórsetilgen siltemelerdiń durıslıǵına avtorlardıń ózi juwapker esaplanadı.

Belgilengen talaplar tiykarında jazılǵan ilimiy maqalalar arnawlı antiplagiat tekseriwinen ótkeriledi. Avtor maqalanı (Word) formasında, pikirlerdi (pdf) formasında elektron papkaǵa atı, familiyasın jazıp,  jurnaldıń usı kórsetilgen +998934878285 telefon nomerlerine telegram arqalı jiberiledi.

 

Maqalalarǵa qoyılatuǵın talaplar

1. Maqala shólkem basshısınıń qosımsha xatı, ekspertler juwmaǵı (kafedra yamasa bólimniń juwmaǵı), wákillikli eki qánigeniń pikir-usınısı (ishki hám sırtqı) menen birge usınıladı.

2. Maqalalar qaraqalpaq, ózbek, rus hám inglis tillerinde qabıl etiledi. Maqala 5-7 bet kóleminde, tayanısh (klyuchevıe) sózler hám rezyumeler, tekst 14 shriftte, hár bir qatardıń aralıǵı 1,5 interval.

3. Maqalalar 2 nusqa qaǵazda avtorlardıń qoltańbaları menen, sonday-aq, elektron versiyası menen usınıladı.

4. Tema bas háripler menen jazıladı, tómengi bóleginde avtordıń tolıq atı, ilimiy dárejesi, ataǵı, lawazımı hám jumıs ornı kórsetiledi. Paydalanilgan ádebiyatlardıń tolıq dizimi maqalanın aqırında keltiriledi hám tekst ishindegi siltemeler ádebiyatlar dizimi boyinsha kvadrat qawsırma ishinde sanlarda beriledi [1:15].

5. Paydalanilgan ádebiyatlar dizimine: avtor atı familiyası, ádebiyat atı, baspa orni, atı, jılı, beti tolıq kórsetiledi. Jurnaldan alıngan ádebiyatlarda avtordıń atı, basılımı, maqala, jurnal atı, jılı, sanı, betleri kórsetiledi.

6. Faktologiyalıq maǵlıwmatlar hám metodikalıq kemshilikler ushın avtorlar juwap beredi.

7. Redakciya barlıq maqalalardı qosımsha ekspertizaǵa jiberedi.

8. Redakciya maqalalardı qısqartıw hám redaktorlaw huqıqına ie.

9. Maqalalar avtorlarǵa qaytarılmaydı.

10. Maqala aqırında avtorlardıń mánzilleri, baylanıs nomerleri qosımsha etilgen halda kórsetiledi.