Jurnal haqqında
Jurnal 2023-jılı shólkemlestirilgen. Jılına 4 márte shıǵadı. 2023-jıl 15-mayda Qaraqalpaqstan Respublikası Baspasóz hám xabar agentligi tárepinen dizimge alınǵan hám No081166 sanlı gúwalıq berilgen.
Shólkemlestiriwshi komitet baslıǵı hám jurnaldıń Bas redaktorı: filosofiya ilimleri boyınsha filosofiya doktorı (PhD), docent Yusupov Kuanishbay Baltabaevich.
Jurnaldıń juwaplı redaktorı filologiya ilimleri boyınsha filosofiya doktorı (PhD) Otepbergenova Guzal Omirbaevna.
Redakciya mánzili: Qaraqalpaqstan Respublikası, Nókis qalası, Qaraqalpaqstan kóshesi nomersiz jay, indeks: 230100
Telefon: +998934878285
Elektron pochta: gozzalotepbergenova61@gmail.com
Veb-saytı: https://journal.uzdsmi-nf.uz
"Kórkem óner hám mádeniyat xabarshısı" professor hám oqıtıwshılarǵa, muǵallim hám tárbiyashılarǵa, doktorantlarǵa, ilimiy-izertlew hám ilimiy-metodikalıq jumıs penen shuǵıllanıwshı basqa da adamlarǵa óz maqalaların basıp shıǵarıwǵa, ilimniń jańa jetiskenliklerin, zamanagóy pedagogikalıq texnologiyalar menen metodlardı qollanıwǵa hám tanısıwǵa járdem beredi.
Jurnal joqarı oqıw orınlarına, kolledj hám liceylerge, mektep hám mektepke shekemgi bilimlendiriw mákemelerine joqarı maman kadrlar tayarlawǵa óziniń múnásip úlesin qosadı. Mámleketimizdiń tiykarǵı-huqıqıy demokratiyalıq mámleket qurıw, bazar ekonomikasına baǵdarlanǵan jámietke ótiw, puqaralıq jámietin qurıw sıyaqlı maqsetlerine erisiw ushın jurnal belgili hám sonday-aq, jas ilimpazlardıń ilimiy-ámeliy izertlewleriniń nátiyjelerin kórsetiwge háreket etedi. Basıp shıǵarılatuǵın maqalalarda aymaqlıq hám global áhmietke ie mashqalalar, pedagogikalıq tájiriybelerdi ǵalaba en jaydırıw máseleleri sáwlelendiriledi. Prezidentimizdiń atap ótkenindey, biziń bas maqsetimiz jaslar arasınan kórkem óner hám mádeniyattıń ullı hám dańqlı jumıslarınıń múnásip dawamshıların izlep tabıw, biziń áwladlarımızdıń hám zamanagóy ilimpazlarımızdıń ilimiy hám mádeniy miyrasları ilimimiz hám turmısımızdıń barlıq tarawlarınıń gúllep-jasnawı ushın xızmet ecin. Jurnal siz benen birgelikte kórkem óner hám mádeniyattıń rawajlanıwına xızmet etedi.