SHASHMAQOMNING IKKINCHI GURUH SHO‘BALARI VA ULARNING IJROCHILIK-PEDAGOGIK TALQINI

Mazkur maqolada o‘zbek mumtoz musiqa merosining yirik qatlamlaridan biri bo‘lgan Shashmaqomning ikkinchi guruh sho‘balari, xususan, Buxoro Iroqi, Rok, Qalandari Dugoh, Samandari Dugoh va Saraxbori Oromijon kabi asarlarning musiqiy-uslubiy xususiyatlari tahlil qilinadi. Ushbu sho‘balarning asosiy Shashmaqom turkumidagi o‘rni, kuy yo‘li, doira usullari, namudlardan foydalanish, she’riy vazn va ijro talqinidagi o‘ziga xosliklari yoritiladi. Shuningdek, Shashmaqom an’analarini avloddan-avlodga yetkazishda hofizlik maktabining o‘rni hamda ustoz hofizlarning ijrochilik va pedagogik faoliyati nuqtayi nazaridan mazkur merosning ta’limiy-estetik ahamiyati ochib beriladi.